هل تؤمنون بالصداقه بين الرجل والمرأه. وبالعكس؟؟

هذا ما شاهدته بالأمس في حلقة في تلفزيون المستقبل عندما أقرت ضيفه الحلقه ان كل أصحابها من الذكور وإنها لا تعترف ولا توطد علاقاتها مع بنات جلدتها…هنا دار بمخيلتي هذا السؤال .؟ ما حالنا نحن كسودانيين ..هل يتماشي هذا الموضوع معنا بكل حيثياته … نعم قد يكون هنالك نوع من الالتصاق تفرضه الظروف..صداقه في الجامعة أو في العمل ..لكن صداقه كاملة بكل ظروفها …لا اعتقد..؟؟

يا زول دا كلام فاضي ساي... العلاقات دي واحد من اتنين لا ثالث لهما..
هي احد الحـائين .. " حب ولا حــ..." (اب سعد )

الله على كلام المدير.....أحسن راي

مديرنا قدوتنا ... والنعم والله

أحم أحم
حضرة المدير كبير المنداحين معاك على الخط و عندي كلام عكسي زي كور راؤول واضح بس ما بتلمس
أولا إحنا السودانيين ككل عندنا عقدة إسمها البت عيب
عيب ان أي زول يعرف بت من أهلي عيب الزول يتكلم عن بت أي علاقة بين بنت و ولد لازم تكون (اب سعد)((سيطرة))
وده فهم مغلوط لدرجة كبيرة المرأة زيها زي الرجل في المشاعر و الأحاسيس و ده بيشمل الإحساس بالواجب و الأمانة و الواجب و الصداقة .
عن تجربة شخصية بعرف بنات ببدلهم بمية ولد لأنهم بيقيفو وقفة رجال ((مع إنو الصحيح أقول وقفة ناس))
ثم ليه بنعتبر دائما الضعف من جانب المراة مع انو ربنا الشي الوحيد المخلوق الي عظمه كان كيد النساء (إن كيدهن لعظيم) المرأة نجحت كأم نجحت كأستاذ نجحت كملكة حتى إن جزء من أعظم ممالك العالم كن في رأسها نساء وهنا انا ما بتكلم بس عن مملكة سبأ بحسب معاها المملكة المتحدة و هولندا و عدد تاني من ممالك العالم كان على رأسها نساء
أرجع لموضوع الصداقة :
أول شي هي شنو الصداقة ....
يعني شنو أنو زول صديقك
لما تعرفوا إجابة السؤال ده حتقدروا تعرفو المرأة بتنفع صديق للرجل ولا لأ
و بإعتباري زول عارف الإجابة فأنا فاهم بس المشكلة ان الإجابة ما بتتقال بتتشاف و تتفهم بالعقل بس ومافي طريقة شرح ليها إلا التجربة .
بس بطلب منكم كلكم تفكروا في الموضوع بهدوء و كلكم حتلقوا إنو عندكم أصدقاء بنات وإنتو مامنتبهين

وتاني بطلب فكروا في الموضوع بهدوء

والله يابورس ان في راي في الزمن دا لا دا ولا دا تصاحب نفسك وتتماشا مع الباقي