في ليلة من ليالي البرد القارس والظلام الحالك في الجبال الشاهقة
وبينما اخونا برتودا اللي هو طبعا (بوورس) يقود سيارته متجها لاحدى المدن .
فجأة كدا وبدون اي اسباب تعطلت السيارة .
وصاحبنا برتودا ما عرف سبب العطل شنو قلّب السيارة دي صامولة صامولة حلفت يمين كان تقوم .
اها عمنا قال استنا شوية كدا ح تجي اكيد سيارة مارة اقوم اطلع معاهم ولا يشوفو لي حل صاحبنا انتظر وانتظر
والزمن مشى على ساعتين دون جدوى بقى يعاين بي جاي وبي جاي حتى لو يشوف انشا الله طشاش نور يمشي عليهو لكن ما لقى اي حاجة . وبعد ما يئس اخونا برتودا فجأة جات من وراهو سيارة سوداء اللون فخمة ومظللة
وبتتحرك بسرعة بطييييئة جدا صاحبنا ارتبك ما عرف يتصرف كيف بين الخوف من المكان - المرعب -
والسيارة الغريبة
واخيرا وبدون مقدمات تلقائية
صاحبنا فتح الباب وركب السيارة وما زالت متحركة بنفس الاتجاه والسرعة البطيئة
شوية كدا برتودا اتلفت علي مكان السواق .
تتوقعو شاف شنو لقى السيارة ماشة من غير سواق !!!!
صاحبنا نشف مكانو ويشيل يقرا ويتعوذ وما عرف كيف يتصرف
وشوية كدا يأتي منعطف وبالتاكيد بعدو الهاوية
- وتملك الخوف قلب برتودا حتى كاد ان يغشى عليه
- والسيارة باتجاه الهاوية وفجـأة تدخل يد من خارج السيارة وتلف مقود السيارة - الدركسون - متجنبا الهاوية
برتودا اصبح في حالة غريبة ما بين فرحة النجاة من الموت المحقق والخوف من الوضع المريب.
وتكررت نفس الحادثة في منعطف اخر وتدخلت اليد الغريبة مرة اخرى وبعد صراع طويل مع الرعب
. فرح اخونا بورتودا جدا بعد ما شاف انو وصل الى مطعم وشاف الناس واطمأن كتير
وفتح باب السيارة وهي ماشة
- طبعا السيارة تسير بسرعة بطيئة -
ودخل الى المطعم اكل وشرب حاجة يبرد بيها قلبو وما صدّق
وقال الحمد لله اتخارجنا من الشياطين ديل والله دي سلامة كبيرة .
وفجأة دخلو راجلين عتاولة ما شا الله طول وعرض ولابسين اسود في اسود واحد منهم عاين لي بورتودا بي حقد كدا
, وقال لي صاحبو ( مش دا الاهبل اللي كان راكب في السيارة واحنا بنلزّها) . . .
ههههههههههههههه معليش على جر الزمن
ترقبوا جديد المغامرات
تحياتي
الجمعة مارس 21, 2008 8:37 pm
